Grin (kala)

Grin em i kala namel long cyan na yelo long 'visible spectrum'. Em i save kamap long lait we i gat bikpela wevlength bilong samting olsem 495-570 nm. Long ol 'subtractive color systems', we ol i save yusim long penim na kala printim, ol i save wokim long rot bilong bungim yelo na 'cyan'; insait long RGB kala model, we ol i save yusim long televisen na kompyuta skrin, em i wanpela bilong ol nambawan kala, wantaim ret na blu, we ol i save miksim long ol narapela narapela kala. Bikpela samting tru we i save kamapim grinpela samting long ples em 'chlorophyll', em wanpela kemikel we ol diwai i save yusim long mekim 'photosynthesis' na senisim lait bilong san i kamap kemikel eneji. Planti animal i bin lain long stap long grinpela ples bilong ol long rot bilong kisim grinpela kala bilong ol yet olsem 'camouflage'. Planti mineral i gat grinpela kala, na wanpela em emerald, we kala bilong en i grin bikos i gat 'chromium' insait long en.